മാനഭംഗക്കേ​സി​ൽ ട്രം​പ് കു​റ്റ​ക്കാ​ര​ൻ; ര​ണ്ടു കേ​സി​ലാ​യി 50 ല​ക്ഷം ന​ഷ്ട​പ​രി​ഹാ​രം ന​ൽ​ക​ണം; സ​ത്യം ജ​യി​ച്ചെ​ന്ന് ജീ​ൻ കാ​ര​ൾ

ന്യൂ​യോ​ർ​ക്ക്: മാനഭം​ഗക്കേ​സി​ലും മാ​ന​ന​ഷ്ട​ക്കേ​സി​ലും മു​ൻ അ​മേ​രി​ക്ക​ൻ പ്ര​സി​ഡ​ന്‍റ് ഡൊ​ണാ​ൾ​ഡ് ട്രം​പി​നു കു​രു​ക്ക്. എ​ഴു​ത്തു​കാ​രി​യാ​യ ഇ. ​ജീ​ൻ കാ​ര​ൾ ന​ൽ​കി​യ കേ​സി​ൽ ട്രം​പ് കു​റ്റ​ക്കാ​ര​നാ​ണെ​ന്ന് മാ​ൻ​ഹ​ട്ട​ൺ കോ​ട​തി ക​ണ്ടെ​ത്തി.

ട്രം​പ് ലൈം​ഗി​ക ചൂ​ഷ​ണം ന​ട​ത്തി​യെ​ന്നു തെ​ളി​ഞ്ഞ​താ​യി ജൂ​റി വ്യ​ക്ത​മാ​ക്കി. ര​ണ്ടു കേ​സു​ക​ളി​ലാ​യി ട്രം​പ് അ​ഞ്ച് മി​ല്യ​ൺ ഡോ​ള​ർ (50 ല​ക്ഷം) ന​ഷ്ട​പ​രി​ഹാ​രം ന​ൽ​കാ​നും കോ​ട​തി ഉ​ത്ത​ര​വി​ട്ടു.

1990-ക​ളു​ടെ മ​ധ്യ​ത്തി​ൽ മാ​ൻ​ഹ​ട്ട​ണി​ലെ ബ​ർ​ഗ്‌​ഡോ​ർ​ഫ് ഗു​ഡ്മാ​ൻ അ​പ്പാ​ർ​ട്ട്‌​മെ​ന്‍റ് സ്റ്റോ​റി​ലെ വ​സ്ത്രം​മാ​റു​ന്ന മു​റി​യി​ൽ ട്രം​പ് ത​ന്നെ ബ​ലാ​ത്സം​ഗം ചെ​യ്തെ​ന്നാ​ണ് ജീ​ന്‍ ക​രോ​ളി​ന്‍റെ പ​രാ​തി. പേ​ടി കാ​ര​ണ​മാ​ണ് പോ​ലീ​സി​ല്‍ പ​രാ​തി​പ്പെ​ടാ​തി​രു​ന്ന​ത്.

പൊ​തു​മ​ധ്യ​ത്തി​ൽ ട്രം​പ് ത​ന്നെ അ​പ​കീ​ർ​ത്തി​പ്പെ​ടു​ത്താ​നാ​ണു ശ്ര​മി​ച്ച​തെ​ന്ന് എ​ല്ലെ മാ​ഗ​സി​ന്‍റ് മു​ൻ കോ​ള​മി​സ്റ്റാ​യ കാ​ര​ൾ ആ​രോ​പി​ച്ചി​രു​ന്നു. ആ​രോ​പ​ണ​ങ്ങ​ള്‍ ട്രം​പ് പൂ​ര്‍​ണ​മാ​യി നി​ഷേ​ധി​ച്ചു​വെ​ങ്കി​ലും ലൈം​ഗി​ക ചൂ​ഷ​ണം ന​ട​ന്നെ​ന്ന് കോ​ട​തി​ക്കു ബോ​ധ്യ​പ്പെ​ടു​ക​യാ​യി​രു​ന്നു.

ക​ഴി​ഞ്ഞ 10 ദി​വ​സ​ങ്ങ​ളാ​യി മാ​ൻ​ഹാ​ട്ട​നി​ലെ ഫെ​ഡ​റ​ൽ കോ​ട​തി​യി​ല്‍ കേ​സി​ന്‍റെ വി​ചാ​ര​ണ ന​ട​ക്കു​ക​യാ​യി​രു​ന്നു. ഒ​മ്പ​തം​ഗ ബെ​ഞ്ചാ​ണ് ഡോ​ണ​ൾ​ഡ് ട്രം​പ് കു​റ്റ​ക്കാ​ര​നാ​ണെ​ന്ന് ക​ണ്ടെ​ത്തി​യ​ത്.

ബ​ലാ​ത്സം​ഗ കു​റ്റം തെ​ളി​യി​ക്ക​പ്പെ​ട്ടി​ട്ടി​ല്ല. എ​ങ്കി​ലും ജീ​ൻ കാ​ര​ള്‍ ലൈം​ഗി​ക​മാ​യി ചൂ​ക്ഷ​ണം ചെ​യ്യ​പ്പെ​ട്ടു എ​ന്ന് ജൂ​റി ക​ണ്ടെ​ത്തി. ഈ ​കേ​സി​ൽ ര​ണ്ട് മി​ല്യ​ണ്‍ ഡോ​ള​റും മാ​ന​ന​ഷ്ട​ക്കേ​സി​ൽ മൂ​ന്നു മി​ല്യ​ണ്‍ ഡോ​ള​റും ട്രം​പ് ന​ഷ്ട​പ​രി​ഹാ​രം ന​ല്‍​ക​ണ​മെ​ന്നാ​ണ് കോ​ട​തി വി​ധി.

സ​ത്യം ജ​യി​ച്ചെ​ന്ന് ജീ​ൻ കാ​ര​ൾ പ്ര​തി​ക​രി​ച്ചു. അ​തേ​സ​മ​യം, വി​ധി​ക്കെ​തി​രേ അ​പ്പീ​ൽ ന​ൽ​കു​മെ​ന്ന് ട്രം​പ് അ​റി​യി​ച്ചു.